ਬਾਬਾ ਬੁੱਢਾ ਕਾਲਜ , ਬੀਰ ਸਾਹਿਬ ਜੀ ਨੂੰ ਇਲਾਕੇ ਦੀ ਵਿਦਿਅਕ ਸੇਵਾ ਕਰਦਿਆਂ ਅੱਜ ਦੇ ਸਮੇ ਤਕ ਤਕਰੀਬਨ ਅੱਧੀ ਸਦੀ ਦਾ ਸਮਾਂ ਬੀਤ ਗਿਆ ਹੈ। ਇਸ ਕਾਲਜ ਨੂੰ ਇਸ ਗੱਲ ਦਾ ਵੀ ਮਾਣ ਹੈ ਕਿ ਇਸ ਕਾਲਜ ਵਿੱਚੋ ਜਿਥੇ ਵਿਦਿਆਰਥੀਆਂ ਨੇ ਵਿਦਿਆ ਪ੍ਰਾਪਤ ਕਰਕੇ ਵਿਦਿਆ ਦੇ ਖੇਤਰ ਵਿਚ, ਡਾਕਟਰੀ ਦੇ ਖੇਤਰ ਵਿਚ, ਰਾਜਨੀਤੀ ਦੇ ਖੇਤਰ ਵਿਚ ਅਤੇ ਦੇਸ਼ ਦੀ ਫੌਜ ਵਿਚ ਸੇਵਾ ਕਰਕੇ ਨਾਮਣਾ ਖੱਟਿਆ ਹੈ, ਉਥੇ ਇਲਾਕੇ ਦੇ ਲੋਕਾਂ ,ਸਮਾਜ ਅਤੇ ਸਭਿਆਚਾਰ ਵਿਚ ਲੋਕ ਭਲਾਈ ਕਰਕੇ ਵੀ ਆਪਣਾ ਹਿੱਸਾ ਪਾਇਆ ਹੈ। ਇਸ ਕਾਲਜ ਦੀ ਉਸਾਰੀ ਸੰਤ ਬਾਬਾ ਖੜਕ ਸਿੰਘ ਜੀ ਹੋਰਾਂ ਨੇ ਬਾਬਾ ਦਰਸ਼ਨ ਸਿੰਘ ਹੋਰਾਂ ਦੇ ਸਹਿਯੋਗ ਨਾਲ ਅਤੇ ਇਲਾਕੇ ਦੀਆ ਸਮੂਹ ਸੰਗਤਾਂ ਦੇ ਸਹਿਯੋਗ ਨਾਲ ਕਰਵਾਈ ਸੀ। ਇਸ ਕਾਲਜ ਨੂੰ ਇਸ ਗੱਲ ਦਾ ਵੀ ਬੜਾ ਮਾਨ ਹੈ ਕਿ ਇਲਾਕੇ ਦੀਆ ਸਮੂਹ ਸੰਗਤਾਂ ਨੇ ਜਿਥੇ ਕਾਲਜ ਦੇ ਹਰ ਖੇਤਰ ਵਿਚ ਸਹਿਯੋਗ ਦਿੱਤਾ ਉਥੇ ਹਰ ਸਮੇ ਹਰ ਪ੍ਰਕਾਰ ਦੀ ਸੇਵਾ ਸਹਾਇਤਾ ਵੀ ਦਿੱਤੀ।
ਬਾਬਾ ਬੁੱਢਾ ਕਾਲਜ ਦਾ ਨਾਮ ਇਸ ਕਾਲਜ ਦੇ ਨਾਲ ਸ਼ੁਸ਼ੋਬਿਤ ਇਤਿਹਾਸਿਕ ਗੁਰੂਦਵਾਰਾ ਬਾਬਾ ਬੁੱਢਾ ਸਾਹਿਬ ਤੋਂ ਲਿਆ ਗਿਆ ਹੈ। ਜੋ ਕਿ ਪਰਮ ਸਤਿਕਾਰਯੋਗ ਬਾਬਾ ਬੁੱਢਾ ਜੀ ਦੇ ਨਾਲ ਸੰਬੰਧਿਤ ਹੈ। ਬਾਬਾ ਬੁੱਢਾ ਜੀ ਸ਼੍ਰੀ ਹਰਿਮੰਦਰ ਸਾਹਿਬ ਦੇ ਪਹਿਲੇ ਮੁੱਖ ਗ੍ਰੰਥੀ ਹੋਏ ਸਨ।
ਬਾਬਾ ਬੁੱਢਾ ਜੀ ਦੇ ਇਤਿਹਾਸ ਬਾਰੇ ਵਧੇਰੇ ਜਾਣਕਾਰੀ ਹੇਠਾਂ ਦਿੱਤੇ ਲਿੰਕ ਤੋਂ ਪ੍ਰਾਪਤ ਕੀਤੀ ਜਾ ਸਕਦੀ ਹੈ।